Arango fyrirmyndarfyrirtæki 2025

Arango hlaut á dögunum viðurkenningu frá Viðskiptablaðinu og Keldunni sem Fyrirmyndarfyrirtæki í rekstri 2025.

Viðurkenningin er veitt fyrirtækjum sem sýnt hafa fram á traustan, ábyrgan og sjálfbæran rekstur samkvæmt mælikvörðum Viðskiptablaðsins og Keldunnar. Aðeins 2,6% fyrirtækja á Íslandi uppfylla þau skilyrði sem sett eru til að hljóta þessa viðurkenningu.

Arango er jafnframt á lista meðal 25 efstu fyrirtækja í flokki lítilla fyrirtækja sem undirstrikar sterkan og stöðugan rekstur fyrirtækisins í samanburði við önnur fyrirtæki í sama stærðarflokki.

Samkvæmt viðskiptablaðinu þurfa eftirfarandi skilyrði að vera uppfyllt til að teljast fyrirmyndarfyrirtæki:

• Afkoma þarf að hafa verið jákvæð.

• Tekjur þurfa að hafa verið umfram 50 milljónir króna.

• Eignir þurfa að hafa verið umfram 90 milljónir króna.

• Eiginfjárhlutfall þarf að hafa verið umfram 20%.

Aðrir þættir eru metnir af Viðskiptablaðinu og Keldunni, svo sem skil á ársreikningi og rekstrarform.

Viðurkenningin byggir á rekstrarniðurstöðum fyrir árin 2024 og 2023, með tilliti til ársins 2022, og er því staðfesting á heilbrigðum og stöðugum rekstri Arango á undanförnum árum.

„Við hjá Arango erum afar stolt af þessari viðurkenningu,“ segir Tinna Björk Hjartardóttir, framkvæmdastjóri Arango. „Við leggjum metnað okkar í að reka fyrirtækið af ábyrgð og fagmennsku, og þessi viðurkenning er hvatning til að halda áfram á þeirri braut.“

Arango er fyrirmyndarfyrirtæki í rekstri 2025

Viðurkenningin Fyrirmyndarfyrirtæki í rekstri er árleg úttekt sem Viðskiptablaðið og Keldan standa að, þar sem dregin eru fram þau fyrirtæki sem skara fram úr hvað varðar rekstrarlegan stöðugleika, arðsemi og góða stjórnarhætti.