Viðskiptavinir Arango hafa í auknu mæli stafrænivætt ferli með Power Platform !
Á undanförnum árum hefur tækni og hugbúnaðarþróun tekið miklum og hröðum framförum. Þörfin fyrir stafrænar lausnir í samskiptum við viðskiptavini og birgja hefur aukist hratt en ekki síður fyrir bætta verkferla starfsmanna. Það er sífellt gerð krafa um hraðari afhendingu lausna til að leysa þessar þarfir og fyrirtæki hafa þurft að bregðast hratt við breyttu vinnuumhverfi í heimsfaraldri.
Hugtakið low/code – no/code hefur verið notað fyrir tækni sem gerir fyrirtækjum kleift að búa til lausnir og leysa stafrænar þarfir með lítilli forritun. Fyrirtæki geta búið til lausnir til að leysa af hólmi ferla á pappír, snjallforrit (apps) og aukið þannig skilvirkni í starfseminni með notkun stafrænna lausna. Lausnirnar eru mun fljótari í hönnun og þróun, þar með ódýrari í framleiðslu og skila mun betri arðsemi.
Arango hefur nýtt Power Platform frá Microsoft með sínum viðskiptavinum undanfarin ár til að smíða stafrænar lausnir. Bæði stakar lausnir til að leysa ýmsa innri ferla jafnt sem hluta af stærri lausnum í sölu- þjónustu og markaðssetningu. Microsoft Power Platform er hópur vara sem Microsoft býður upp á til að þróa og smíða viðskiptalausnir, greina og birta stjórnendaupplýsingar, gera sjálfvirka stafræna viðskiptaferla eða smíða snjallmenni fyrir samskipti.
Með öllum þessum vörum er unnt að búa til lausnir og snjallforrit án forritunar með litlum tilkostnaði og dregur þannig úr þörfinni á kostnaðarsamri hugbúnaðargerð innan fyrirtækja.
Power Platform samanstendur af fjórum megin vörum:
Power BI – Viðskiptagreindar tól til skýrslugerðar
Power Apps – Notað til að búa til lausnir og snjallforrit fyrir stafræna ferla
Power Automate – Notað til að búa til sjálfvirk verkferli og tengingar upplýsingakerfa
Power Virtual Agents – Snjallmenni til samskipta við viðskiptavini
Power Platform og samspil þessara eininga býður eitt og sér upp á mikla möguleika en auk þess er unnt að vinna upplýsingar og búa til sjálfvirk ferli þvert á viðskiptakerfi og skýjalausnir Microsoft, Dynamics 365 Sales, Customer Service, Marketing, Business Central (NAV), Finance (AX), Office 365 og Azure.
Arango hefur mikla reynslu af uppsetningu og vinnu með Power Platform og höfum við bæði búið til staðlaðar lausnir í Power Platform fyrir lítil og meðalstór fyrirtæki ásamt því að aðstoða viðskiptavini okkar við að búa til stafrænar lausnir í þeirra viðskiptaumhverfi.
Dæmi um lausnir sem Arango hafa sett upp í samstarfi við viðskiptavini sína til að stafrænivæða ferli:
Sjálfsagreiðsla og pantanir starfsmanna á tækjakaupum, tölvum og símum með Power Apps
Eignaskrá, tækjaskrá og utanumhald utan um tæki í eigu fyrirtækisins í umsjá starfsmanna í Power Apps
Samþykktarkerfi fyrir innkaupum á tölvum og tækjum starfsmanna með Power Platform
Málningarapp og afgreiðslulausn tengd við Dynamics 365 Sales og Dynamics AX með notkun Power Apps og Power Automate
Sölu- og heimsóknarapp. Skipulagðar heimsóknir sölumanna og afhendinga til viðskiptavina og verslana með Power Apps
Gæðaeftirlit með bifreiðum og tækjum “Vehicle Health Check”
Stjórnendaskýrslur og mælaborð í sölu- og þjónustu með Power BI
Dæmi um staðlaðar lausnir sem Arango hafa þróað í Power Platform:
Sölu- og viðskiptastýring fyrir lítil og meðalstór fyrirtæki: Arango 365
Verkbókhald og tímaskráning fyrir þjónustufyrirtæki og verktakafyrirtæki: Arango verktakinn
Erindalausnir, mála og beiðnakerfi í Power Platform: Arango erindi - Einnig hluti af Arango 365
Áreiðanleikakannanir - AML áreiðanleikakannanir með tengingu við CRM: Arango AML
Rafrænar undirritanir skjala í Dynamics 365 og Teams: Arango undirritun
Nánar um Power Platform frá Microsoft hér: Power Platform
Hafðu samband við ráðgjafa Arango og skoðum saman hvernig þitt fyrirtæki getur nýtt Power Platform. arango@arango.is