Arango stækkar – Ayline kemur með reynslu og ferska sýn til liðsins

Nýlega gekk Ayline Deweerdt til liðs við Arango sem ráðgjafi. Hún kemur til fyrirtækisins frá ICELANDIA, þar sem hún starfaði meðal annars við innleiðingu CRM lausna í Microsoft Dynamics 365 og tók virkan þátt í þróun og umbótum á tæknilegum ferlum innan fyrirtækisins. Hjá Arango mun Ayline sinna ráðgjöf með sérstaka áherslu á þjónustulausnir og hvernig hægt er að nýta gervigreind innan Microsoft viðskiptalausna, meðal annars með Microsoft Copilot.

Áður starfaði hún í þjónustu og sölu hjá Enterprise Rent-A-Car Iceland (hluta af ICELANDIA) og komst fljótt í stjórnunarstöðu. Ári síðar varð hún þjónustustjóri fyrir alla ICELANDIA samsteypuna (Reykjavik Excursions, Enterprise, Icelandic Mountain Guides), þar sem hún leiddi teymi og bætti upplifun viðskiptavina. Í gegnum þessi hlutverk uppgötvaði Ayline ástríðu sína fyrir því að bæta starfshætti fyrirtækja með sjálfvirknivæðingu, straumlínulögun ferla og nýtingu á gervigreind í tæknilegum lausnum sem bæta verkferla starfsmanna og eykur þjónustuupplifun viðskiptavina. Þetta leiddi hana yfir í upplýsingatæknideild ICELANDIA þar sem hún blómstraði í þróun lausna og nýsköpun.

Að sögn Ayline hefur ferill hennar á leið í upplýsingatækni alls ekki verið hefðbundinn. “Ég er fædd og uppalin í Belgíu en þar stundaði ég nám í líffræði. Eftir því sem á námið leið, áttaði ég mig á því að það svið hentaði mér ekki. Í kjölfarið tók ég þá ákvörðun að taka mér hlé frá náminu, hugleiða og kanna ný tækifæri. Þannig endaði ég á Íslandi - landi sem ég ætlaði aðeins að dvelja í í eitt ár en er nú orðið mitt heimili. – Segir Ayline

Á persónulegu nótunum þá er Ayline að fara að gifta sig, á þrjá ketti og nýtir frítímann í göngur, ferðalög og saumaskap. Spennandi tímar framundan.

Við bjóðum Ayline hjartanlega velkomna í stækkandi hóp Arango starfsmanna !